(با ريتك ) :
يا ريتك شمسي فى نهارى
تدفى فرشتى ف دارى
ولو تهت ف هوى ليلى
تسامحي وتمحى اوزارى
يا ريتك قمري فى سمايا
وتبقي شعاع ماله نهايه
بنورك يهتدى دربي
معاكي تبتدى حكايه
حكايه نعيش لياليها
ونمشيها بخطاويها
ولو لعبت بينا الايام
بحب كبير نعديها
ياريتك تبقي جوايه
تحسي بفرحي واسايا
وآه لو تلمسي قلبي
يعود لي فرحي وهنايا
يا ريتك نجمة في مداري
وتقرى كل افكارى
ساعتها حتعرفي حبي
وانك وحي اشعاري
يا ريتني ما قلت آه يا ريتك
واكون طوبه ف جدار بيتك
ولو كبرت بينا الأحلام
أكون زرعاية من غيطك
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.