امسيات الحسن . .26/ 11/ 2020
قصيدة
( عقد اليمامه )
بقلم الشاعر : حسن حلمى
لململي الود اللي بينا
بخيط ولولي
ويوم ما اقابلك بابتسامه
اهدهولي
واحفظي العهد ما بينا
يا نور عيوني
لفلفي ما بين رقبتك
عقد لولي
يحرسك مهما تغيبي
كتير ليالي
يا ليالي العمر لسه
ما انتهيني
لسه عطر الورد نادي
بالجنينه
اوعي تنسي اللي ما بينا
في يوم وليله
احنا ياما سهرنا ياما
وكتير حكينا
وياما دوبنا من الهوي
حتي ارتوينا
اه واه من دي الحكاوي
يا نور عينينا
كانت النسمه تغير
لو التقينا
طيري يلا ورفرفي
بجناح يمامه
قبل ما يطيب الهوي
وتكتر ملامه
واسالي البستان لخدك
مين روانا
احنا ياللي العطر فينا
من حلانا
ما احنا ياما شيلنا
حزنك بابتسامه
اصلنا روحنا بتضحك
والسلامه
كل ما تقرب عيونك
بالسلامه
ينتهي كل الكلام حتي
الملامه
فاكره لما ايديك لمست
يوم خدودي
حسة النغزه بقلبي
لفرح عودي
يومها قالت اه واه
منك حبيبي
لو تقرب من ضلوعي
او وريدي
تلقي روحي تروح
لروحك بابتسامه
تهدي بوسه يوم
ما ترجع بالسلامه
واقرء كل الهمس
منك لو ملامه
ليه وليه بعدك حبيبي
عن عيوني
اصلك انت كنت ياما
نور عيوني
وافترقنا و اطفت
بايديك شموعي
اصلها كانت تنورلك
خطاوي
كل ما تعدي القناوي
قلبي ناوي
يجمع الود اللي بينا
بعقد لولي
لحد ما تشوفك عيوني
اه يا غالي
تحضنك ما بين جفونها
بالليالي
تحرسك وتعدي بيك
كل الخطاوي
اصل بعدك عن عيوني
كتير جفاني
اه واه لو يفني عمري
وانت فاني
عن حياتي وعن عيوني
يا حياتي
لملم الود اللي بينا
بخيط ولولي
ويوم ما اقابلك بابتسامه
اهدهولي
واحفظ العهد اللي بينا
يا نور عيوني
بقلم الشاعر : حسن حلمى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.