إن كنت
عايز تبقى سعيد
وتبقى طول عمرك فرحان اكيد
وتخلي حياتك عيد جديد
وتنس همومك
وتفرح قلبك
وتبقى بعيشة هنية
اكتب فورا طلب زواج
وابعتهولي بريد مستعجل
وحط عليه ورقة دمغة
واكتب عليه يفتح بالذات
وياريت امك تجبهولي باليد
وتطلبني من أبويا بجد
هانيالك إن كنت اوافق عليك
ضحكتي تخليك طايرفي الجو
بسمتي ترقصك عالوحدة ونص
هاتنسى همومك
ويطيب يومك
وتفوز بجدارة
بقلبي وعقلي قدام الحارة
انادلوعة وغنوجة ياواد
هارجعك ابن العشرين
وهانسيك امك و ابوك
واختك واخوك
وهابقالك ادلل فيك طول العمر
الحق واخطبني قوام
الخطاب واقفين عالباب
عشرات وميات
بيستنوا مني الجواب
وانا لسه بفكر
اختار مين ولا مين
اسمي جميلة وكنيتي سعيد
وامي شربات
وابويا فرحات
عنواني شارع المسرات
حارة الانشراح
عمارة أهل السعادة
منزل سكر زيادة
٢٧ نوڤمبر ٢٠٢٠
عارف البديوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.