الشاعر فكري هنداوي
الدرس الأخير/ قصيده/ بقلم/ فكري وهنداوي
*******
كل ابن أدم وجاي له يوم راح يقرا!! حاله في المرايا في مواجهه مذهله!!!
بتقول حياتك في طريقها للغروب يعني الحياه معزله!!!!!
فتح عينيك لا تقول عينيا مزغلله!!!!
واقرا حالك و بعيون منفنجله!!!!!!
راح تقرا نفسك بس بعد البسمله!!!!
وهي دي ام الحقيقه المهمله!!!!
********
الشعر ابيض والشروق عينه عليه!!!
يعني السواد كأنه ليل وودعوه!!!
********
ورد الجناين عالخدود مفهوش حمار!
في خريف لا فيه زهور ولاخضار!!!*******
والجفون بقت كهوف والنني غايرجوها!!!!
سحر العيون ملهوش وجود وانتهى!!
واللولي داب ويا اللعاب واختفى!!!
واللي كان قمر زمانه انطفى!!!!!
والحسن غاب عن مكانه وخد
نصيبه م الحياه واكتفى!!!!
********
يعني المحاسن خد مكانها ضدها!!!!
انسى اللي راح باللي جاي بعدها!!!!!
**********
الوعي مات والجمجمه متلخبطه!!!!
وآدي الوشوش واتشوهت بالشخبطه!!!!!
***********
والزمن ناشب مخالبه في الخدود!!!!
ينحت في صوره في ملامح الجدود!!!
***********
و تشوف معالم طالعه نازله في خطوط!!!!
رايحه جايه زي بيت العنكبوت!!!!
ضلت طريقها ماهي عارفه فين تفوت!!
***********
راسمه حالك في خريطه مجسمه!!!!!
مشوار حياتك في خطوط مترسمه!!!
*******
كل الأمور اتبدلت /من حال لحال!!!
والارادي غير إرادي /واستحال!!!!
***********
والمرض من كل نوع مترصدك
زي الأسد مستني لحظة لفتراس!!!!
ويقزقزك وينفضك من ساس لراس!!!
*********
وفي الختام سلم دفاترك للحياه
وخد مكانك في سجل الآخره!!!!!!
بكره خلاص ح يودعوك ويعلنوها
شاغره!!!!
××××××××
فكري هنداوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.