( إتمنيت أعيش في عنيه)
يا فرحة قلبي ويآ حبيبي
هو دوايا هو نصيبي
ياما صبرت واتمنيته
ومن الدنيا هو اترجيته
ولما انكتب حبه عليا
زاد خوفي يكون مش ليا
واعيش العمر من غير حنيه
وتبقي حياتي مليانه أسيه
إتمنيت أعيش في عنيه
والهنا كله معاه الآقيه
ولما يغيب الشوق يناديه
وقلبي وروحي يفرحوا بيه
ياما كنت اروح بستانه
وابعت سلامي مع اغصانه
واقطف ورده لمسها بإيدوا
او يوم شافها بس بعينوا
احضن فيها الليل كله
واسهر معاها.وتحكي عنه
واحلي كلام..كنت بقوله
واللي في قلبي كنت أبوحله
وفضلت صابر علي ايامي
واتحملت عذابي ليالي
روحي عايشه معاه في خيالي
وحسنه وجماله شاغل بالي
ياما خذني لعالم تاني
عالم كله امل واماني
وصَبَحّْ حبيبي كل احبابي
اصحابي واهلي وكمان خلاني
وياما قلبي منه شكالي
طال شوقي ويا انتظاري
وكنت اداري علي عُزالي
واخبي عليهم اللي جرالي
بس الفرحه جوايا حاسسها
وليل ونهار كنت عايشها
وياما دليلي منه احتار
وحبه شاغلني ليل ونهار
دوقت في حبه كل الهنا
ونعيم قربه كان حلمي انا
ولحظة حضنه تساوي سنه
ياما طيفه صحي منامي
وللهوي كله خدني ووداني
كنت بحسه كنت بعيشه.
كنت بشوفه كل أيامي
والحلم سابقني لأحلي غرام
ولم الشمل كل الأحلام
خواطر ( اشرف الدغيدي. )
حقوق الملكية محفوظه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.