على ابو المجد سباق
( ذكرى تحرير سيناء )
ياللى أقتحمتم مانع قناة السويس
ياللى جعلتم من الدم والرمل لصفر
حنه للعريس
حنه لأخوكم شهيد سبعه وستين
حنه لأخوكم شهيد تلاته وسبعين
يا ابطال ياللى جعلتم من الدم والرمل لصفر حنه
حنه لقلوبنا بعد ماكانت مليانه با الأسى
حنه لأم الشهيد اللى مش راح يتنسى
حنه نحنى بيها ايدين مصر الفرحانه
حنه نكحل بيها عيون مصر السهرانه
ياللى جعلتم من الدم والرمل لصفر حنه
حنه تحنوا بيها ايديكم
حنه للعالم اللى شهد ليكم
حنه للجهد والكفاح
حنه للعرق لنور الصباح
حنه للبندقيه اللى اتكلمت
حنه للقلوب اللى اطمنت
حنه ليك ياعريس
ياللى اقتحمت مانع قناة السويس
ياللى جعلتم من الدم والرمل لصفر
حنه للعريس
#خواطر على ابو المجد سباق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.