زمان كان لينا فرن وجرن

 زمان كان لينا فرن وجرن وكانت العيشة عال

زمان كان زادنا فى بيتنا لا جزار ولا بقال

زمان كان خضارنا فى غيطنا ولا حوجة لمال

زمان كان فى نفوسنا رضا رغم ضيق الحال 

كأننا من حبنا لبعضنا مربوطين بحبال

كان فرح جيرانا فرحنا وحزنهم حزننا

وجرننا يلمنا ندرس ونطحن قمحنا

بنات وستات وشباب ورجال وعيال

كأننا من حبنا لبعضنا مربوطين بحبال

لا طمعانين فى حد ولا حد طمعان فينا

ولو رزقنا على القد راضين بيه ومكفينا

لا بيننا خصام ولا بيننا عتاب ولا لوم وجدال..✋والله يابخت اللي حضر الايام دى