ما يجذبنيش
قصيدة
للشاعر والأديب / عماد الدين محمد
ما يجذبنيش تعريكِ
وغياب خجلكِ على خدودكِ الباردة
متزينة وحاطة كوووووم ألوان
وفوق الركبة بشبرين كده بيبان
وصدر عاري ولا يشبه
صدر الأم اللى كله حنان
بتتعرى ومش مكسوفة
يا ميت خسارة
على اللى عنكِ بيكون مسؤول
واخداه بإيده لجهنم وحق وصول
تعالي شوفي عميلكِ مين تعجب
غير أشباه الرجال وكام ديوث
لا بيغيروا على العرض إن يوم بان
يادى الخيبة على أهلكِ
وراجلكِ اللي فرحان بيكِ
وعلى باب النار مستنيكِ
وتتريقى على العفيفة الطاهرة
تقولى عليها بلدى
ومش على الموضة ولابسة جوان
ما يجذبنيش تعريكِ
ولا ليكِ فى الدنيا وجود
غير إنكِ سلعة رخيصة
وما تساوي حتى ريال
ياميت خسارة على حالكِ
وبعد دا كله نقول دى حرية
غلطانة ده قلة قيمة ورخص
وذنب كبير عند الرحمن
هافضل أقولها وأكررها
يا ألف خسارة على الأحوال
وبعد دا كله نسأل ليه
الرب علينا غضبان
حياتنا جحيم و حروب
و فساد أشكال وألوان
عادات ماتت وغاب الألتزام
حمرة خجلكِ إنطفأت
وكل الحرام والمعاصى
صبحت حلال وأمان
ما يجذبنيش تعريكِ
وأدعيلكِ من قلبي
ربي كده يهديكِ .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.