نفسى أفرح ........بقلم الشاعر .. محمد البريمى ..

شعر غنائى ..
((( نفسى أفرح )))
نفسى أفرح .. لو مره واحده ف حياتى ..

كل م أ حاول أبتسم .. تسبقنى دموعى قبل آهاتى

لو ضحكت مره الدنيا تبكينى .. وألاقى الدمعه تنزل من عينى ..

م ألحقش أقول يا فرحه خدينى و إرمينى ف بحر ذكرياتى ..

نفسى أفرح لو مره

كل م أفتكر أمى و أبويا .. ألاقى الدموع نازله مطر ..

و آخد على خاطرى منك يا دنيا .. يلى كتبتى عليا القدر

أعيش فيكى كده وحدانى .. ونا تايه ف عالم تانى ..

عالم غريب عن أوطانى .. عالم غير كل البشر ..

نفسى أفرح لو مره

كل م أهرب من عذابى .. يطلعلى مليون عذاب ..

لما تعبت شفايفى .. م العد و م الحساب ..

أعمل إيه فيك يا زمان .. أصبر ولا أشكى م الحرمان ..

ولا أرمى نفسى ف بحور النسيان .. و أنسى إن ليا ف يوم أحباب ..

نفسى أفرح لو مره

بقلم الشاعر ..
محمد البريمى ..