خليك في بيتك
*************
خليك في بيتك
وياريت متخرجش
أبوس رجلك وإيدك
حرام تخرج مترجعش
مش ناقصة كوارث
فينا إللي مكفينا
يارب انت الحارث
عديها بسرعة علينا
كل يوم حالات وحالات
بتزيد وإحنا ولا داريين
بلاش إستهتار وسخافات
كورونا بتموت ملايين
وانتم ولا على بالكم
مقضينها هزار ف هزار
ومات أخوكم وجاركم
وهمكم كله سوق الخضار
تعملوا زحمة ع اللحمة
وتخزنوا الكوسة مع الخيار
حتى حاجات ملهاش لازمة
وزنتوها كيلتوها بالمعيار
وخبتوها وقت الأزمة
ليه ياخلق مخكم طار
شكرا شكرا ياكورونا
وألف ومليون شكر
قفلتي بلادنا من قويسنا
لابو حماد وكفر شكر
والمنصورة حتي بنها
والصعيد مع كفر صقر
واسكنرية أه ياويلها
غرقت من كتر النبر
فيروس ضعيف علمنا
وعرفنا وفهمنا وخلانا
نشوف الأسد قدمنا
بقى فرخة
والظالم بجبروته
بقى قطة
سبحانك يامغيرالأحوال
قلوب الغرب لانت ورقت
وفاقوا وتركوا الأموال
وطبول الحق دقت
وسمعوا صوت الآذان
ربكم لما يريد
يخلي الحديد يلين
والعاصي العنيد
يركع ويقول آمين
وانت أيوه انت
خايف مرعوب
شوف نفسك
لو كنت معيوب
اصلح شأنك
و ارجع وتوب
وقرب من ربك
*************************
بسيوني صديق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.