وبرغم الشوق اللي ساكني
هَفرض أمري
وهَافضي الروح من أحلامها
وأغير قدري
هأسحب من كل كرات دمي
أنزيم الحب
هنزع إحساس عاش مخلص لك
وهَمزع جلد ...
..كان يوم لمسك
حَس بهمسك ول نبضك عَد
وهَفرق كل إحبال الود
هتحايل علي كل الذكري
تمسح بكرة ويا إمبارح
وتعيد الضبط
هستسمح لحظه فى تفكيري
وأطلب منها
تعيد تدبيري تعمل تعديل
جوة دليلي
وهخاطب عقلي الجواني
يعمل تغير جوة كياني
وهحول خطوات فى مصيري
ما أنا نفسي أرتاح جوة ضميري
ونظامي اللي هويتك بيه
أنا راح الغيه
أنا هعمل ُسوفت لاحلامي
وهادَلت عمري اللي أنا عشته
داخل أراضيك
يمكن يرضيك
وتشوف معاليك كل آلامي
أنا هانسي ماضيك
هرجع إنسان خالي الوجدان
ولا عمري هأمن لك يا زمان
هتحرك من وحي خيالي
........ ......... ........
بقلم / هدي النحاس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.