(( أنا رايدك )).....بقلم الشاعر .. محمد البريمى ..

شعر غنائى ..
(( أنا رايدك ))
أنا رايدك و إنتى ريدانى .. طاب ليه بس العناد ..

هواكى جانى و نادانى .. وكان هو المراد ..

حبيتك بشكل غير عادى .. و ملك الحب فؤادى ..

ونا شايفك دلوقتى قصادى .. رغم مسافات البعاد ..

أنا رايدك و إنتى رايدانى

على أقل كلمه نتخاصم .. و نعملها حكايه .

بدل الخصام تعالى نتعاتب .. و نحدد لطريقنا نهايه ..

ليه تجرحينى و أجرحك .. و الجرح عارف فين مطرحك ..

بيمسيكى و يصبحك .. ونا شارب م الدنيا كفايه ..

.أنا رايدك و إنتى ريدانى

أنا رايدك و إنتى رايدانى .. ليه نسمع بينا العزال ..

دا كلام الناس ياما .. عايز صبر و طولة بال ..

م تيجى بينا ننهى الموضوع .. الحب عمره م كان ممنوع ..

لو كان قلبك فيه مخدوع .. صبرك عليه ينطال ..

أنا رايدك و إنتى رايدانى

بقلم الشاعر ..
محمد البريمى ..