فاكرني ايه لعبتك
او هموت لحظه غرام
لحظه ماتطرديني من جنتك
فاكرني ايه من غيرك يتيم
وانت الملاك
وقال ايه بعدك هلاك
هو مين رسمك بحرفه
ومين ولي نعمتك
هو انت تكدبي
وتتعذبي
واخرك تصدقي كدبتك
لا والله لا يمكن اكون
ضلك ولا يمكن اكون
شوك حاضن وردك
وزي ماكنت بتشوق
هدوس علي وردك
وزي ماكنت بتعذب
عذاب بعذاب هاكون عندك
هكون الجرح اللي موصفلك
هكون الدمعة اللي بتحير
مشاعرنا لسه هتتغير
وريني بقي ردك
فاكرني هموت فرقه
وحياتك ماهي فارقه
تيجي..تغيبي..اهي غارقه
واهي توهه وهنعيشها
ولو علي الحزن عارفينه
اه من الحب وسنينه
اهي غربه
غربه بغربه هنكمل
بس وغلاوه قلبي
اللي في يوم حبك
لهتشوفي
زي مافي يوم علمتك
وفهمتك
ومن جوه كهفك الضلمه
خرجتك
هردك جوه احزانك
ولو محتاجه درس كمان
وريني فين ردك
مينفعش بعد الاماره
لايمكن بالاشاره
والشطاره
لايمكن اكون عبدك
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.