(مرايتي)
أبص في المرايا
ألقا نفسي مش معايا
باحزن واتوه
إللي باقي مش كفايه
افضل احسب في إللي راح
في دنيا سداح مداح
كل يوم بنشوف وشوش
عماله تجري من السنين
الحزنانين
شايله حاطه
اليمين فيها زي الشمال
حدف طوب
في وشوشنا ناخد
منها عمال على بطال
أرجع اقف تاني مره
قدام مرايتي يمكن ألقا
فيها وش من السعاده
يكون بشوش... مابلقاهوش
دايره فيها مربوطين
ليل نهار ذي بعضه
حالنا حال
اصبح محال
وسنين تعدي
والوشوش اتغيرت
والملامح كرمشت
والزمان هدد شبابنا
عمرنا فحالنا ماسابنا
بان علينا هم السنين
متكحولين
يعني المرايا
عمرها ماكدبت علينا
ماحنا شايفين وبعنينا
تعب السنين الحزنانين
وحالنا حال
والمر شاربينو بايدينا
والسنين غمت عنينا
واتفاجئنا بالزمان
سابنا وراح
وبان علينا هم السنين
والوشوش اتغيرت
والملامح كرمشت
ابو رامي الاسواني
٢٠/٧/٢٠١٩
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.