البرواز
******
ابص لروحى ف البرواز
مسامع حس وﻻ كلمه
واكلم صوره ف البرواز
ترد تقول كام كلمه
تقول بقساوه واسمعها
فاتوره وقلبى يدفعها
تقلى انت وحدانى
اقولها ايوه وحدانى
وعمر محد واسانى
واتفرقوا اﻻحباب
وﻻ لمه وﻻ اصحاب
والعين اهى بتبكى
على مرار ايام
مش راضيه ليه تمشى
واه يوجع القلب
وﻻ لقمه متهنى
والفرحه مستنى
ايام بقيت طويله
مش عايزه تفهمنى
تاهت بيا السكه
وﻻ حيطه اتكى
شابت دموع العين
قبل المعاد باعوام
عايش بين اربع حيطان
ودوﻻب وشيلة كﻻم
بكتبلى كام كلمه
واغنى على نفسى
وﻻحد يسمعنى
مجروح وشايل هم
وابص ع البرواز
ما شيفش غير ذكرى
وبكره بيعدى
واتاريكى مش فاكره
انى بقيت صوره
من جوه ف البرواز
*****
عمرو تمساح ابوسفيان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.