امى ى كات نسمه هاله
امى دى طرح وضله
امى كان حضنها دافى
كان كلامها لينا وافى
كنا نسمع كل كلمه
من كلامها نقول عوافى
امى زهره فى الربيع
من حنانها مش حضيع
من جمال نظرة عنيها
عمرها كله انا شارى
عمرى مافكرت ابيع
امى يانبض وحنان
امى دى عش الامان
من بعد فراقها ليا
قلبى مات وعمرى هان
امى دى قصة كفاح
عمرها كان كله لينا
قولت حى على الفلاح
دعوتها لينا فى المسا
وتدعى كات فى الصباح
وتقولنا ياضى عيونى
انتم عمرى اللى جاى
ودعت عمرى اللى راح
امى كات ضحكتها جنه
لما كنت اسمعها اتهنى
واحس ان الدنيا بخير
وانى اطلب وكمان اتمنى
طول عمرك مااشتكيتى
ولا من تعب بكيتى
كنتى تقولى انتوا فرحى
مهما روحتى ولا جيتى
لسه فاكره كل كلمه
من كلامك ليا حكمه
خلى بالك من ولادك
ولاجوزك يابنتى نعمه
كنت اجى واشتكيلك
واترمى فى حضنك وخيرك
واقول ياامه كتر خيرك
بيتك طول عمره ده جنه
مهما احكى ولااقول
مش ممكن يخلص كلامى
الكلام شرحه يطول
لو هحكى واقول ياامى
الكلام عنك كتير
مش مدياكى حقك
انتى قلبك كان كبير
كان فى قربك ولا بعدك
كان دعاكى ليا واصل
مهما كان فى بيتى حاصل
دعوة رضى منك ليا
بتحلى الدنيا ف عينيا
وتنول احلامى ليا
وتحلى ايامى الجايه
وتخلى الحياه هنيه
امر يابحر الحنان
انتى لى بر الامان
لما اشوفك بعينى ارتاح
وقلبى يهدا وينام
ولا دعاكى لينا الفجريه
نور الدنيا فى عنيه
خلى كل الدنيا حلوه
ملاها عطف وحنيه
من بعدك الدنيا خلصت
والميه فى البحر نشفت
والطيور ع الغصن خرصت
والحنان مالوش مكان
من بعدك انا قلبى مات
والحياة بقت سكات
اصبح كل شئ انانى
حتى الكلمه من غير معانى
وانا قلبى بقى يعانى
من بعدك انا توهت تانى
والطرق مابقتش واضحه
اجيبك أمى منين تانى
~~~~~~~~~~~~~~
راوية حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.