.........( مصر في القلب) .........
*****
ومين غيرك يامصر أحبها
أفرح لها.................. وأحزن لها
وأبوس كل حبة ف رملها
أعيش لها............... وأموت لها
وامسح جدار الخوف من قلبها
أنا إبنها ورضعت من نيلها
ونشفتني شمسها
علمتني في المدارس
والحواري والمزارع
وكل الدنيا عشقت ظلها
آه لما كنت إبعد عنها
أرسم لي جدول علي الحيطان
وكل يوم أشطب وأعد
كم يوم واكون في حضنها؟؟؟
مين زيها !!!!!!!!!!
شايلانا وتحجنن علينا
وبنمشي دايما علي ضيها
رغم المآسي
ونفكرك إن كنت ناسي
والتاريخ يشهد لها
والله أستغرب لناس
عايشه معانا ف وسطنا
تاكل وتشرب
من فضل ربي وفضلها
ويشككوا.. ويشمتوا ..
ويعكروا..ويوقفوا ف مركب
لا يمكن منعها
يدمروا.. ويخربوا..ويقتلوا
زي الكلاب السعرانين
حتي المساجد والكنايس
إللي بتعبد ربها
مش ممكن هتقدر تهدها
علشان ولادها مكلبشين
في بعضهم
شايلين كفنهم ويا روحهم
يضحوا بيه من إجلها
أنصحك يابن الشيطان
تبعد عنها
لا أنت قدها............
ولا أنت سنك من سنها
******
****
تحياتي الشاعر/أحمدالعدل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.