انا أد ما صرخت
وعليت الصوت
و أد ما بكيت
ومن دمعي أسيت
أنا قدري الصمت
مكتوب البخت
لو ذاع الصيت
يا بحور الصبر
نزلت وعديت
و جراح العمر
داويت وداريت
وكاسات المر
منها ارتويت
لابد من وقت
والحزن يفوت
اللي بينا وعد
والجرح ليه مد
في نهار و ليل
وشوفت الويل
يا زهور الورد
ياليالي السعد
لو طال البعد
صاين انا العهد
ومزوق البيت
بكفوف اليد
مسحت الدمع
وهديت الصوت
وشكرت الصبر
علشان لحظة فرح
بالعمر انا اتمنيت
يا روايح الورد
احنا مبينا وعد
لو علي جنيت
بيناديك البيت
اد ما صرخت
اد ما بكيت
أد ما أسيت
انت ليا بخت
نسيت الصمت
وعليك ناديت
كلمات
مجدي فرحات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.