ايه ياقلم حيلة
يا متدلع من الابوين
اجي اكتب
حبرك قوام ينضب
وتحلفلي بالف يمين
هتكتب بس مستني
تشوفني لحظة متهني
و خاب ظني وظنك مين
وتعرف قفلنا ابواب
لفرحة بالأمل كداب
بلاش تستني بريق م العين
اكتب عن الجراح يااااما
وارسم دمعة ونداااااامه
خط حروفها بين دواويين
اكتب م الجلدة للجلده
اوصف حياتنا ف الوحده
انا وانت منسيين
منفيين بين الغرام والغلب
لقمة عيشنا لها عشنا
ومطعمنا
من احبابنا شوك التين
هنفارق زي ما بدينا
ولا جينا الدنيا بإيدينا
ثواني بس معدودة
ومرصودة علينا سنين
✍ #محمد_فتحي_الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.