الغربة
ليه يا غربة بتوجعينا
ما كفاية اللى فينا
دموعنا غالبة عنينا
وانتى يا غربة بتكوينا
ضحكتى الناس علينا
مالك يا غربة بس بينا
احنا اللى حياتنا حزينة
اهينا سهارا طول ليالينا
والناس بتشمت فينا
اخرتها ايه يا غربة
حزينة
ضيعتى الفرحة اللى لينا
بكل اسوة جيتى علينا
نتعب من تلاقى اللى
يداوينا
بجروحك يا غربة جاية
علينا
حتى الحبايب بعيد
عنينا
بنبات ف الطل والمطر
فوقينا
مفيش حد حنين يا غربة
لينا
آه والف آه من دى غربة
بتكوينا
لو موتنا ف الغربة مين
يسأل فينا
آه م الوجع اللى ساكن
فينا
عايشين وقلوبنا فيها
حزينة
هنلم الشنط ونرجع على
اللى لينا
اكيد بلادنا وناسنا اولى
بينا
هنلم عيالنا وناسنا
حوالينا
هنحكى عن وجع الغربة
والدموع اللى كوت عنينا
ليه يا غربة بتوجعينا
ما كفاية اللى فينا
خواطر من واقع الحياه
كتبها شاعر الجنوب
ياسر محمد أيوب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.