ومهما عِلِّي موجك .. اناعايم
تاخديني علي مشمي
بقوم قايم
شيمة الرجال الصبر
علي المكتوب
منقولش الأه حتي
ولو المرار دايم
وحط فوق الأَلِف مية
همزة بزيادة
وشدد علي المد لجل
الآَّاااااااه بزيادة
مكتومة جوه الروح
لم تنسمع
واكتم جوا منك
كمان يا واد وبزيادة
اصل الشقا بنقزقزة
كما ترمس
وطعم العذاب بنحفظه
ملا تُرمس
لا يبرد ويمسَّخ طعمه
ويبقي شين
شاربينه. حار والطعم نار 🔥
يهوس
خلقنا للمصاعب والشدايد
ورث الجدود
واول سمعنا كان طلق
وبارود
متربين ع المرجلة
والطبع كمان غالب
ما نخلف كلام ماربوناش
ننقض وعود
مسك الختام والنهاية
هو دا حالنا
باقيين ف المرار مهما
تراحلنا
ولا يفرق معانا سوادك
من نهارك
ما بننتظر ف يوم الدنيا
تحلالنا .
بقلمي / محمد فتحي الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.