....ياعشق أحلامي....
ولو حلمك سكة همشيها
هزرع ألف وردة أمل فيها
وأعيش أيامي في عينيكي
وأشوفك كل الجمال بيها
.......
تندهني خطوتك أجري أسبقها
وبقلبي ألف بسمة حب أرسمها
وليل غناوي خيوطه قلبي ينسجها
ياسكة عشق مكتوبلي أمشيها
.......
أنا فارس حلمك ودي أحلامي
أنا إللي عايش بيكي أيامي
وكل زمان في حبك زماني
ولو حبك ورا بحار هعديها
.......
تتبسمي تتبسم سنين عمري
تقربي يتوه عقلي وقلبي مني
تبعدي تبعد ليالي العمر عني
حبك حياه وهمي إزاي أرضيها
.......
بأعشق فيكي حلاوة أيامي
وترحالي معاكي في أحلامي
وكام كلمة من زمان قلتهالي
بحبك بعمري خليك فاكر معانيها
......
وتفضل رحلتي معاكي رحيل
بين خيال عاشق وحلم ليل
لا عارف سكتك ولا لاقي دليل
هي غنوة مع حبك بعيش فيها
.......
أيمن بلال
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.