🌿🌿 جاءنا البيان التالي 🌿🌿
بقلم الشاعرة شيرين قزامل
🌿🌿🌿🌿🌿🌿🌿🌿🌿🌿
هنا ازاعة افشخانات
فيها بيان عن اللي اختشى مات
وفي نفس الساعة بالذات
سمعنا صويت وكلام ستات
من حارة الشيخ عرافات
الست سنية والبت زينات
مسكوا في بعض طاخ طيخ طوخ طاخ
وسبب العركه الله يسامحها
الحاجه ام الشحات
لما ملقتش حد في ريحها
قالت تدور على مصالحها
فضلت تنفخ في ودن زينات
بكلام فاضي ملهوش اثبات
ان سنية دي بتكرها
وبتكره اللي يفرحها
عملت فيها محامي وقاضي
مفرقش معاها لا عزيز ولا غالي
والبت الهبله المجنونه
نزلت خبط في الست سنية
بكلام يوجع ولسان فلتان
وصل الأمر لشيخ الحاره
قالها عيب عليكي يا حماره
اللي ملهوش اصل يا هبله
ملهوش في الاخر عنوان
الست سنيه الكل عارفها
ملهاش في الفاضي والافشخنات
بتختشي موت وعارفه حدودها
مبتغلطش بلسان زلفان
زي غيرها من الستات
يا شيخ الحارة طب نعمل ايه
انا مش عارف والله يا بنتي
اصل زمان حاكولنا جدودنا
عن الأصول كتير حكايات
واحلى ما فيها اللي اختشي مات
واللي عايشها بالطول والعرض
عايش بس عشان مصلحته
وماشي يدمر خلق الله
🌿🌿🌿🌿🌿🌿🌿🌿🌿🌿
بقلم
شيرين قزامل (( مصر ))
2018 / 11 / 1
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.