_1__ 
💖💖
💖💖
عرفت مين انا !؟
عايز تعرف مين بيحبك
ومين يستاهل يسكن قلبك
واللي ماهنت عليه م الاول
وفاكرك مهما غيابك طول
بس تقولي وتفضفضلي
روق كدا وجنبي تقعدلي
وهات الموضوع كدا م الاول
سامعك انا
وياك بكياني
ولا غيرك راح يملا مكاني
وعنك عمري فيوم ما اتحول
بص كويس كدا ادامك
مين غيري يحقق أحلامك
ولهجرك دايما يتحمل
عرفت مين أنا !؟
انا اللي يااااما غرت عليك
من نسمة هواك
وهي جاية بتجري وراك
وياما افتكرت أن انت ملاك
لكن زيك زي البشر
حبك لغيرك حب امتلاك
وحبي ليك دا ملك القدر
عارف انك زي الربيع
لما بيعشق لون الزهور
زي الشمس لما بتطرح
فوق الارض شعاع النور
مش بتميز مين الظالم
بين الناس ومين مقهور
عرفت مين أنا !؟
بقلم / محمد الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.