همسات..شعر زجل
نيالي
ضليت جمعة قربا مني
بعيون حمرا بلمحا قبالي
صرت فكر كيف بقدر غازلا
ومنا لحالا رأفت بحالي
صرت متل العايش بجنة
مرتاح فكري من الزعل خالي
بشوفا بقلبي متل رحمان
بيرتل صلا بمحراب عالي
بشوفا بروحي فعل ايمان
يحرسني عن يميني وعن شمالي
وانا بمشي متل شي سلطان
وبتضل هيي ترقص قبالي
وبالغني بسمع صوتها الرنان
ومني لحالي بقول نيالي
......
لاقبني
هالعين الملياني دموع
بتوجع قلب المو موجوع
قلبك ابيض كالنفناف
لا تخليني شوف دموع
حبيتك كنت صغيرة
وحبيتك انت كبيرة
ياويلي من هالنسوان
كحتوني من هالدديري
لاقيني عانبع الفوار
وانسي الديري والسيرة
.......
دوارة
نطرتك عاراس الحارة
شافوني كل النسوان
ياويلي ملأ جرصة
عرفوني وعرفوا العنوان
وين كنتي يادوارة
لو جيتي ما صار الي كان
..................
شيخ الدبيكة عالراس
والطبل بيقرع جنبو
لالا ودلعونا ومزمار
والدبيكة ايد بأيد
وخصر بخصر ورأس برأس
والعرسان بنص الحلقة
زلغوطة وهنهونة وتصفيق
والفرحة بتعم الضيعة
جرجس لفلوف سورية
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.