بسم الله الرحمن الرحيم
صباح الفل يا بلادى
--------------------------
صباح الفل يا بلادى
صباح طيب صباح نادى
صباح الفل عالدلتا
صباح الفل عالوادى
صباح الفل على نيلك
وعصافيرك تغنيلك
دى كل الدنيا يا بلادى
نورها من قناديلك
صباح الفل على ناسك
وريحة المسك أنفاسك
ولو أقدر فى كل صباح
أبوس إيدك وأبوس راسك
ومهما جرى يا نور عينى
يا كل حياتى وسنينى
هفضل ليكى أنا عاشق
وعشقك نور بيهدينى
وأقسم بالإله إنى
بحبك من صغر سنى
ويا ما لعبت بترابك
وبيه أنا كنت متحنِّى
ولما كبرت زاد حبى
وهواكى ملا قلبى
وكونى أنتمى ليكى
دى أغلى هديه من ربى
صباح الفل يا بلاى
صباح طيب صباح نادى
صباح الفل عالدلتا
صباح الفل عالوادى
----------------------
محمد السيد على
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.