غنوة شوق
.............
في صدري آهه مكتومه
ودمعه ع الخدود جاريه
ونظره شارده مهزومه
ونبضه في الفؤاد حايره
ليلاتي آآسي نار الشوق
وانتي بحالي مش داريه
انا حبيتك وحبي جنون
وعلى بعدك مانيش قادر
وشوقي ليكي نار قايده
بتكوييني وانا صابر
كتبت حنيني الف ديوان
وحبي وصفته في دفاتر
راح ابعت طير معاه مرسال
هيوصف شوقي وحنيتي
شايل في جناحه الف سلام
وورده تقولك ارويني
وعقد شغلته بايديا
عشان يفكرك بيا
يقولك اوعي تنسيني
ياغنوة حب ليل ونهار
بغنيها ..
ولو خلصت
اعيد فيها ..
صدى همسك في انغامها
وفيكي كل معانيها
هاعيش العمر استنى
ياكل الدنيا ومافيها
عصام إمام
21/7
2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.