كله فجأه بقلم الاعلامي الشاعر نبيل معتوق

كله فجأه

.....

تبقى ماشى من سكات

راضى بالمكتوب عليك 

مافى حد يحس بيك 

حتى اقرب ناس اليك 

دنيا مليانه اهات ....

تبقى حاسس انك وحيد

فجأه تيجى من بعيد

حاجه تخطف فيك حاجات

حاجه بتصحى اللى مات .....

فجأه ييجى حد طيب

ييجى ويطبطب عليك

يسألك ايه الحكايه ؟

انت ليه دايما حزين

ليه بتبكى ع اللى فات ...

فجأه ياخدك من اديك

وتلاقيه بيحس بيك

تترمى فى حضنه ساعات

تيجى تحكى أو تفضفض

فجأه بيموت الكلام 

والكلام يصبح عياط .....

..... نبيل .....