لسه حاسه.؟بقلم الشاعر / على سالم

من ديوان آهات القمر
لسه حاسه.؟........
...........
لسه حاسه حبي ليكى
لسه وردتى ف اديكى
ولا ماتت ؟
ايوه قولى ليه سكتى
ولا قلب غيرى سكنتى
ولا هانت ؟
عشرة عمرى وسنينى
وكيان صاحب انينى
ولا فاتت ؟
ايوه قولى واجرحى
قلب كان يضلل عليكى
ولا عاشت ؟
قصه تانيه فى خيالك
اتحققت بيها امالك
واتكسرت
كل اللى بينى وبينك
اتفضلى خدى هديتك
ممكن اقولك .......
انى قفلت خلاص كتابى
جوا صفحاته فاضى
والقلم اللى كان بيكتب
انتهى وملازم سكاتى
وادمرت
احلام كنت ببنيها فخيالى
انى اعيشلك وتعيشيلى
تختفى الدموع ف عينى
لكن يا خساره
اتحولت قلوبهم حجاره
باعت مكسبها بالخساره
وانتهت قصيدتى بالمراره
بعد ما عرفت كل حكاياتى
خلاص يا قلبى
انسى قلب مكنشى ليك
ولا عمره كان بيحس بيك
كان كل همه
انه ييجى وقته
ويجرح علشان
يشوف الدمع ف عنيك
ويستخرج كنزه من رفاتى
كلمات الشاعر / على سالم