سجل يا زمن..بقلم "محمد لطفي ابو الفتوح"

سجل يا زمن
سجل يا زمن
تاريخك ع الورق
أصل الدنيا كراسه
كل لحظه وكل ثانيه
سجل اللي سبق
راكب طياره نفاسه
سجل اللي باين أدام الناس أنه فرق
ب طيبته وإخلاصه
سجل اللي باع واللي اشتري واللي سرق
دي اللعبه حساسه
سجل يا زمن اللي عبه واللي دلق
واللي شال علي رأسه
سجل يا زمن اللي شق واللي دق
الطبول لأجل رقاصه
اللي رق
وباع كرامه
اللي زق
أخوه أمامه
اللي مرق
حتي ف اهتمامه
اللي خرق
حد الامانه
اللي حرق
ميت علامه
اللي بص بعينه وبحلق
حتي في حلال عصامه
واللي حبله جاهز وعلق
لأجل يوم إعدامه
سجل اللي رفع
واللي طفح
واللي مال عليه الناس
سجل اللي شبع
واللي فرح
واللي ضاقت عليه الأنفاس
اللي محق
واللي فك
واللي عبه السلاح رصاص
اللي أغلق
واللي عد
للباب ميت ترباس
اللي فسد
وحبل المسد
واللي كان في السجن حباس
اللي عقد
واللي حسد
وفي كدب عينه مكر الساس
أيوه لا
أنت أحق
لكل خائن باع إخلاصه
موش بصوت بوق
يتيح له اختلاسه
كل واحد فينا شايف
أنه هو بس الصح
الموت ما عدش خايف
ولأنه يوم له راح يرح
الكل جاي ساعه حسابه
الكل مستلم كتابه
مين يمين
مين شمال
كله قد اللي قال
سجل يا زمن
يمكن يوم تموت
ما هي روحك يا زمن
ايله للسقوط
أنت راح تموت
أنت راح تموت........
يازمن......
محمد لطفي ابو الفتوح