تتجوزيني...بقلم الاستاذة "فاطمة خاطر"

تتجوزيني
لما قلت اني باحبك
ليه رفضتي تسمعيني
وابتعدتي قوام بسرعه
انتي خايفه تصدقيني
واللا رافضه اني احبك
وببعادك تبعديني
اسمعيني مره واحده
ايوه ارجوكي اسمعيني
حسي بيه وبمشاعري
ليه بصدك تقتليني
ياللي من بسمه ياغاليه
تملكيني وتأسريني
وبإبتعادك لحظه عني
تحرمي م السعد عيني
وقلبي عاشقك يا حبيبه
وصورتك انتي في الحنايا
امتي هاتحني عليه
امتي راح يكمل هنايا
اسمعيني مره واحده
مش يجوز تتجوزيني
اشعار ا/فاطمه خاطر