بتفكرني ليه..بقلم "ماهر البساطي"

#.. بتفكرني ليه ..#
بتفكرني ليه.. بقلبه وبعنيه
ليه ياقلبي ليه.. بتفكرني بيه

انا كنت نسيت وارتاحت
حنيني وشوقي ليه
واللا انت غاوي الجرح
مشتاق لظلم عنيه
بتفكرني ليه.. بقلبه وبعنيه
ليه ياقلبي ليه.. بتفكرني بيه..
ليه تفكرني بحُب
انا عمري مانسيته
بس هاقولك ايه
هو اللي حبيته
بحاول اطيب خاطري
بعتابي لعيني وقلبي
بس الشوق اللي فيا
يرجعني افكر فيه
بتفكرني ليه.. بقلبه وبعنيه
ليه ياقلبي ليه.. بتفكرني بيه..
في لحظه اسرح واقول
لو ايامنا ترجع
وف لحظه اصحي وافوق
علي حقيقه بتوجع
ويصحي آنيني.. يكسر ضلوعي
ويخدني شوقي.. تنزل دموعي
ماأقدرش امنعها ليه
علشان انا روحي فيه
بتفكرني ليه.. بقلبه وبعنيه
ليه ياقلبي ليه.. بتفكرني بيه..
ماهر البساطي..