كملي جميلك سكات..بقلم "هاني آدم"

#‏كملى_جميلك_سكات‬ كملى جميلك سكات
و إسمحى لقلبى اللى قرب
ينتهى فى دقة ثبات
مبدأه العشق المتغرب

كملى جميلك هواده
حسن ظن فى قلب شاعر
توبته قد الكون عباده
و إستقامته هدوء مقابر
كملى الحلم بأمانى
يمكن أقدر أحققهالك
مستحيل تعشقنى تانى
واحده حنانها شبه أشجانك
كملى الشوق بالدعاوات
و إستغفرى عن كل ذنوبى
مستبده العشق ساعات
مجنونه كاتبه سطور مكتوبى
كملى خشوعك تمنى
مش هأسيب حلمك يضيع
و إستخبى فى نفسك منى
تكبر زرعة شوقنا ربيع
‫#‏هانى_آدم‬