قصيدة بعنوان يا ابن بلدي. ..بقلمي ملك الأصفر. ..
.........................................................
يا ابن بلدي أوعى تترك هالبلد
بلدنا غالي وترابو تبر ودهي
وبالروح إبقى افديه لما بجد الجد
تا يزهر فيو الورد ويكبر العنب
لا تتركو للغير وتبعد عنو بعيد
هادا بلدنا إحميه بإيدك الحديد
ومهما صار بهالزمن ومهما جرى
لكل يوم في شمس رح تشرق من جديد
كرمال بلدنا بدنا نحمي هالحدود
ونزرع ترابو بالحب بسمر الزنود
ورح نرفع الرايات فوق بالعالي
ونهتف ونغني سوريا يا أرض الخلود
نجمك يا سوريا ما بينطفي ورح يشرق
ورح تبقي شوكة للعدا وبيرق يبرق
ورح يبقى شعبك وفي والنار رح تحرق
كل الأيادي اللي نمدت ليك تا تسرق
نحنا أهل وما بفرقنا الزمن
وكل الطوائف رح تتجاوز المحن
ورح نمد أيادي الخير ونعمر سوى
وبالحب والإخلاص رح نبني هالوطن
ورح تبقي يا سوريا أحلى صبية
ومافي عندك تعصب ولا طائفية
ورح يبقى علمك يخفق فوق بالعالي
ورح تبقي زينة للبلاد العربية.
................................................................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.