إسمع يا ولا
ياللي عدمت
المرجلة
دي بنت ناس
ألماظ وماس
ليه كسرتها
ليه هدمتها
وعلى عمرها
ندٍمتها
مش دي المرجلة
دي المَعْيَلة
ليه البهدلة
دا إنت جاحد
من جذرها
نزعتها
من أهلها
قطفتها
خطفتها
ملكتها
صاحباتها سابت
عن العز غابت
يابو قلب جاحد
دي بنت ناس
عالية الأساس
مش دي الرجولة
مش دي البطولة
تكسر خاطرها
تحب غيرها
تِبَكٍي عينيها
تِعُض إيديها
تِقْسَى عليها
داين تُدَان
آه يا جبان
دا كاس وُدَايِر
لو كنت جاير
عارف الرجولة؟
دا في سنة أولى
قالوا الرجولة
تجبر خاطرها
تريح ضميرها
تحسن إليها
تخاف عليها
تسعد عينيها
بس إنت جاحد
فيه رب واحد
يقتص منك
يقتص منك
يجيب حقها
من مين عقَّها
جيلاني أنور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.