مش تحت اْمرك
احمد صبري
-
قلبي كان هو نبضك
سنين كان شاري خاطرك
وإنت قدرت عليه
بيعته وجرحت فيه
لو راجع تشتريه
قلبي
مش تحت امرك
-
حظك سعيد
علشان خلاص
بطلت اْرد بطلت اْدوس
خليك بعيد
حواليك الناس
مادمت بتحب الفلوس
يا كدبة مرة شربتها
يا صدمة جامدة اْخدتها
اْيامي وياك عيشتها
وانا قلبي فيك مخدوع
سايبني اْحبك واْعشقك
تقول باْحبك اْصدقك
ولما حاجة بتوجعك
باْبقى انا الموجوع
واْتاري وجعي لسه جاي
عندك اْكيد وجهة نظرك
مش حاْقولك ليه وإزاي
واْعوذ بالله من شرك
قلبي
مش تحت امرك
-
قلبي مش تحت امرك
علشان تيجي تلاقيني
ودموعي لسه ف عيني
بردان ولما تدفيني
اْسامحك واْحن ليك
برك بقى زي بحرك
غدار قلاب غريق
مافيش ما بينا طريق
وخلاص دور البريء
مابقاش لايق عليك
جايلك عين تشوف
ندمان على إنه حبك
اللعب بقى ع المكشوف
يا بايع كل حبايبك
هو إنت ماكنتش داري
وإنت بتخون اْمانتي
حضني و قلبي واسراري
ياللي إستحليت خيانتي
عملت كتير عشانك
وقلبي كان مهرك
كنت مصدق حنانك
ديما واقف ف ضهرك
كسرتني من عنادك
وسيبتني بمزاجك
روح والحق معادك
انا لسه قادر اْتحرك
وقلبي
مش تحت اْمرك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.