( درس فى الحب ) بقلمي نبيل عبد الحليم

 (درس فى الحب)

قولي ليه الطبع قاسي

أنا فاكر وأنت ناسي

والهوا للقلب عاصي

شربت منه مر كاسي

ذنبي أيه عشان بحبك

ذنبي أيه أموت فى قربك

ذنبي أيه إخترت دربك

أعلنت ليه عليا حربك

حبي ليك دا كان قراري

فضحني شوقي مش بداري

لو انت بايع أنا شاري

ليه تطفي شمع داري

وتم سقف بيتي عاري

معناه أيه الحب عندك

ليه بتتعايق بعندك

هيا فين تبقا المشاعر

لما جرحك يبقا واعر

ذنبي أيه اتعلقت بيك

روحي تمت ساكنه فيك

تهون حياتي وأراضيك

مهما تبعد أراضيك

نبضك ساكن جوا مني

ساكن معايا ملازمني

ملازمني زي ضلي

قولي ليه أنت ظالمني

ظالمني وسكوتك تاعبني

تعبني صمتك ليه عاتبني

ليه الحقيقه غايبه عني

لون حياتي تم بني

فيك خيبت كل ظني

ظني فيك مايوم تهنى

علمتني درس ف حياتي

أكرره للناس يوماتي

أنادي بيه بأعلى صوتي

إنسوا حاجه إسمها حب

بقلمي

نبيل عبد الحليم

10/2/2012

عرض الرؤى

معدل وصول المنشور: ٥٧

٣أيام من عمري، دنيا سعد وشخص آخر

١١ تعليقًا

أعجبني

تعليق