( جنون الحب ) بقلمي \ جمال القاضي .....................

 ( جنون الحب )

بقلمي / جمال القاضي

-----------------

عيشت معاك الحب

فيه أنا شوفت جنون

مره بتضحك

ومره أشوفك فيها حزين

مره الاقي كأنك

بركان ويثور

لما أقابلك وأقرب منك

تلقى الضحكه

من علو الصوت تملا الكون

وآه لو أبعد عنك لحظه

أو حتى ثواني

عتاب تلاقيه

صوت وحزينه

حروف لكلامك

ونبرة صوتك

غضبانه مني

اقرب منك

وأصالح فيك

أشوف في دلالك

عني تداري جمالك

وتخفيه عني تقولي

مش من حقك

ابعد عني زعلان أنا منك

اعمل ايه لرضاك

أقطف ورده وأهديها ليك

بس منها الشوك

كان يجرحني ولاهمني

جرحه لأني بحبك

وكل منايا رضاك عني

اعمل ايه يرضيك

اقطف نجمه

واهديك نورها

مع إن لهيبها يحرق فيا

بس حرقة قلبي بزعلك

ناره تكون أكتر منها

أسكت وأمشي

تنادي عليا

ارجع تاني وقرب مني

مش زعلان كنت بجرب

إيه أحوالك لما أخاصمك

وأبعد عنك

وأسال نفسي يفضل جنبي

يفضل حبه زي ماهو ؟

قلت أزاي ياحبيبي

أبعد عنك ولحبك أنسى

وانت النبض الساكن

جوه بقلبي

وانت النسمه عبيرها

لسه عطورها بصدري

وعد أقوله وقلبك شاهد

أفضل أحبك لأخر عمري

ويفضل دمك ماشي بدمي

ونور الدنيا أشوفه معاك

ودمع عيونك ماينزل مره

بس لأني بحبك انت

ايوه بحبك لآخر نبضه بقلبي

------------------------

مع أرق تحياتي ( جمال القاضي )

عرض الرؤى

معدل وصول المنشور: ١١

١١

تعليق واحد

أعجبني

تعليق