قصيدة بالعامية المصرية.
نفسي اتعالج
أمتى اتعالج من إدمانك
ياريتني ماكنت قابلت زمانك
ولا كنت عرفت لكي عنوان
ولاسقيتيني من نبع حنانك
ولا صبيتي بكأس العشق
ولا خطيت أعتاب وجدانك
ولا سكنتك قلبي الدايب
كل ماقول راح أعالج نبضي
يصرخ قلبي يقول مش تايب
أعمل أية مهوا مغرم دايب
ويعدي اليوم سكران ولا داري
وطول الليل سهران وبيكتب
إمتى اتعالج من إدمانك
ليه صحيت الوتر الساكن
وشي الرايق أصبح داكن
كان م الأول خليه ساكت
بعد ماداق من خمرة كاسك
عقلي مخبل ومعدتش عارف
حتي أفرق ناسي من ناسك
وطول الوقت بكلم طيفك
نغصتي عليا عيشى وعيشتي
بعد ماكنت انا خالي البال
واستخسرتي بعيني الفرحه
ليه غلفتي الغدر بضحكه
ليه بكيتي عيوني الدم
قولي يافرحة وجع القلب
نفسي اتخلص من أوجاعى
وأقتل نبضي قليل الحيله
وقلبى يبات هادى لو ليلة
ويزول إدمانك من أضلاعي
وعقلي يبطل يذكر إسمك
وعنيا تتوب عن رسمة لوحتك
نفسي أركز يوم في صلاتي
مابكنش انا قاصد. طيفك يجي
ويذل لساني بحروف اسمك
أ تلخبط بردو واتمتم باسمك
لزمته أيه كان هوا خداعك
كنتِ ساعتها قولي بلاش
لقلبي المغرم ابن الصرمه
ولا عارف يسكن عنوان غيرك
سايبه أثار الجرح النازف
جوه بروحي مطرح سهمك
وخيبة ظني ونَفَسي يروح
حتى الليل والضحي في بعادك
وسمايا الصافيه بتبكي دموع
مقدرش اتكلم غير ببُكايا
قوليلي حبيبتي لو انتي مكاني
وف قلبك جرح. مني ف قلبك
كنتى دعيتي عليا بإيه
ولاّ ادعى عليكي قوليلي. الزاى
روحى الله يسعدلك قلبك
ويسعد كل مافيكي حبيبتي
ويزيدك نور فى جوارح نبضك
ويسامحك على كسرة قلبي
يارتني ماكنت عرفت مكانك
ولا زوقت القلب بصورتك
ويارتني ماكنت قابلت زمانك
يارتني ماكنت قبلت زمانك
بقلمي
سامي عبد الحي
..........
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.