مفارق .. مع السلامة ********بقلم عادل جاد

 مفارق.. مع السلامة

*******

ليه تفارقنى فى نص الطريق

وتسيب بقلبى نار وحريق

دا أنا قلبى بحبك برئ

يالى عمرى فى حبك راح

لا موش هقولك سماح

مش هكون مكسور الجناح

لا مش هكون لحبك أسير

دا أنا أتحملتك كتير

خلاص بطلت عليك أغير

هرجع تانى أرفرف وأطير

آه لا لوم ولا ملامة

يالى أنت للغدر علامة

آه مفارق مع السلامة

بودعك بأرق أبتسامة

أخترت سكة الندامة

وهبتك الحب والحنان

كنت عشك والأمان

سبيت النور أخترت الظلام

بقيت حبى اللى كان

ماأنت اللى قلبك ليا خان

*******

بقلم

عادل جاد

٤٤

٣ مشاركات

أعجبني

تعليق

مشاركة