*******عم هلال. وابنه بلال*********
***********بقلم محمود الدخميسي*********
عم. هلال. وابنه بلال
مثال في الصبر. وطولت البال
راضي ديما. بالاحوال
عاشق العود. وبيضرب دائما بالموال
شويه من. الواقع وشويه من الخيال
قاعدين. علي القهوة ليل ونهار
شكلهم ناسيين. طريق الدار
جه عليهم الزمن الغدار
بس في قلوبهم. فرحه. فيها تحتار
وشوشهم. نور أنوار
عم هلال. ياعيني رفدوه
قال إيه. عيان كحيان
وصاحب الشغل. اشتكي. من كتر. غيابه
بعته مجلس تأديب.
قال يعني. الراجل محتاج تهذيب
الحال علي القد. والشكل مريب
السن كبير. والشقا كتير
ولما المرض. اختاره
ختم علي ورقه قعدوه في داره
ودور ياسيدي. علي التأمين
بالزمه. دا كلام
وادي. بلال خلص تعليمه
سنويه. وجامعه.
وخاد تقديره
واستنا. الدور. علشان تعينه
واحتار في. الدنيا. زي بقيه جيله
من شغله لشغله
والأيام بتهينه
اخرتها. مستني يوميه. تجيله
وكل ما يسأل علي التعيين
يقولو. بلدنا مافيهاش. تعين
غير بالوسطه. وشهادة تعريف
يبقي ازاي. يتعين
وهو. لا عزوه ولامال
اهو عايش زايه. زاي غيره
محتار في الدنيا. والأيام. بتوديه. وجيبة
بس الحلو انه. راض بحكم الله
كل يوم. بيصحي. يسعي
ورزقه علي الله
أيامنا. غريبه مش مفهومه
والناس. من غلبها. ساكته
علي أمرها.
ماهي. برضه. ياعيني. معزوره
علي. العيشه. مرغومه
وكل الأوامر. عليهم. مفروضه
دي حكايه شاب من الشبان
علي حياته. راضي. بس جواه زعلان
كرسي في قهوه. ومعاه. كبايه شاي
دي مقر عم هلال. وابنه بلال
وادي. يا سيدي. عم هلال
دندن علي. عوده
وغني بصوته. وقال
اضحك ياواد. يا بلال
مالك كده. زعلان
حالنا صيح علي القد
بس حياتنا. كلها جد في جد
سيبها. علي الله
اديك. بتسعي. والرزق علي الله
الرزق علي الله
هو خالقنا. ويتولانا
ما إحنا برضه خلق الله
حالتنا. صيح. تعبانه
بس إحنا ملوك. كسبانه
رجاله صحيح. مش ناس كسلانه
اضحك. أضحك. ياواد. يابلال
اضحك. ياواد. يابلال
وسلم أمرك لله
أيامنا. صحيح. مش مفهومه
وسياسه. غير معلومة
وحكومة. وراها حكومه
صحيح. بتعمر. الأرض البور
بس برضو. فيه ناس مظلومه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.