لقيت لي صوره زمان
وانا لسه في الحضانه
حسيت اني فرحان
ذكري جميله بامانه
المريله امي تكويها
من تحت المرتبه
والصبح الاقيها
فعلا متوضبه
والشنطه كانت بايد
مصنوعه م القماش
والحضانة مش بعيد
ذكريات منسهاش
ولا بوكس ولا زمزميه
حياه جميله وراضيين
ونستاذن نشرب ميه
من المدرسين
شابوه لكل جيلنا
اللي محضرش البانيه
كان سندوتش جبنه
ونحمد ربنا عليه
ملفوف بورق جورنال
وناكله في الفسحه
ومحبه بين الأطفال
وطايرين م الفرحه
كلمات
اشرف مفيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.