قصيده بعنوان
(إسمع.؟!!!)
لما تيجى عند
مصر وتقول
كلام.
تقف إنتباه
من الحديد
وترفع إيدك لفوق
وتضرب ليها تعظيم
سلام وتقول بأعلى
صوتك هي دي
مصر.
مصر يا إبنى.
إسمع شوف هاقول
لك إيه عنها.
سمعت عن سيدنا
يوسف مصر
فيه سيدنا موسى.
لما كان صغير
وأمه وضعته
فى الصندوق ورمته
فى النيل إفتحه
هتلاقيه.
سيدنا إبراهيم.
زوجته هاجر.
مصريه سمعت
عن سيدنا يعقوب
طيب نبينا.
ما قرأتش مره.
فى القرآن
(إهبطوا مصر)
طيب أقول لك
فرعون وزوجته
آسيا طيب هامان.
أقول كمان.
مصر يا إبنى.
لما أجي وأحكي.
عنها فيها
جنه ونار.
فيها لما تسمع.
بس إسمها
لازم تفكر
ألف مره وتاخد
مليون قرار.
فيها زاويه وفيها
شارع فيها
قانون لكن
قانونها تحسه
مايع.
فيها عالى وفيها
واطى فيها شاري
وفيها بايع.
فيها خير
يسد عين الشمس.
ليها على كل
البلاد فضل.
وخير كتير وخيرها
شايع.
وممكن تلاقي
طفل ببكي.
كان جعان.
وأبوه من فقره
مات غريب عنه
كان يا حظه
الأغبر مسافر.
للقمة عيشه.
رايح بيعافر.
عشان يعيش.
مصر يا إبنى.
فيها ديابه
وسعرانين.
تاكلك وتنهشك.
وتقول لسه بطونا
مش مليانين.
مصر نيل.
ميته سلسبيل.
أطول نهر.
على راسها بحر
ويمينها بحر.
وجو سحر.
وهواها يشفى.
العليل.
بس عيبها مقصره.
حبة فى الغلابه.
بتيجى شويه
مع إنهم بيموتوا
فيها وكتير
طيابه.
فيها أول قصة
حب عندى
وأول بيت شعر
كتبته ليها
فى قصايدى.
أه بس لو تمسك
العصيا من النص.
ولما عينيها تحمر
يبقى على الكل.
ولما تضرب.
تعدل مش يبقى
ليها ناس وناس.
ناس تخدهم
فى أحضانها.
وناس تدعسهم
تحت المداس.
مصر جامع
وكنيسه وأوليه.
وهوليود ومسرح
ورقص وطبل
وأغنيه.
كرم وكرمها زايد
حتى لو بلقمه
حاف من غير
غموس هتلاقي
وش بيضحك
وبيقولك
إتفضل من غير
عبوس.
مصر أه من مصر.
مصر وطن كبير.
إسمع مصر
أني.......
هي وطنى
أهلى فيها
ونفس لما أموت.
يدفنونى بيها.
أول صرخه
كان أسمها
يوم ولادتي
وكنت طفل
فى مدرستى.
بأحيي العلم
بأعلى صوتى
تحيا مصر.
تهز الأرض.
مصر حلو
ومصر مر.
لكن مرها بيزيد
مرار. مصر بيت
ومصر حوش
ومصر دار.
علم وحضاره
ومناره وإزدهار.
يعنى إنبهار
خلاص.
دي نبذه صغيره.
عن حبيبتى.
وبإختصار......)
27/1/2021
ترنيمات وخواطر.بقلم)
خيرى حسنى..............)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.