رجعتنى للذكريات ******************** راوية حسن

 رجعتنى للذكريات

****************

وحوديت من زمن فات

واللمه والحكايات

وجدى. وجدتى

وابويا وامى سعات

ونتجمع. كل ليله

بعد العشا على الطبليه

كانت زمان عيشه هنيه

نسمع كنا. الاذاعه

مع بعضنا ساعه بساعه

والقرآن. كنا زمان

والطبلاوى وعبد الصمد

من الجمعه. حتى الاحد

ولا نشرة. الاخبار

كنا نسمعها مع الكبار

ونفهم مع. اننا صغار

وكنا اللقمه. نقسمها

ونسمى من. حلاوتها

والدفا فى. الشتويه

نشعل نار. كل عشيه

ونتلم. حوالين منقد

مع ابويا وجدى ونقعد

ونسمع احلا حكاوى

وابويا هو الراوى

وامى أسمع. ضحكتها

ياسلام حلوه رنتها

وحياتنا. حلوه جميله

تتجمع كل. العيله

وان مرة. خبط بابنا

وجم زارونا احبابنا

ولاكوبايه شاى. حلوه

على المنقد تاخد غلوه

وطعمها احلى من السكر

تقولش دى. شهد مكرر

وتحلو بينا. القعده

ويعلى صوت الضحكه

ولازمان كنا. جمعه

وجماله يوم. الجمعه

وابويا يروح الجامع

وامى تحضر فى عجينها

وانا واخواتى نساعدها

وجيرانا يجوا. يتلموا

والكل بياخد ايدها

راحت ايامنا. الحلوه

ولاعاد تانى فى صحبه

*******************

راوية حسن

عرض الرؤى

معدل وصول المنشور: ١٨

٢٢

تعليقان

أعجبني

تعليق