مع أول اشراقه في العام الجديد
اللهم اجعله على الجميع عام سعيد
انشر لكم هذا النص الجديد
*** قولوا لها ***
للشاعر /صابر الشناوي
قولوا لها الحب ان كان
معصيه والقلب لازم
ينجلد علشان يتوب
لو حبها ذنب انكتب
او غلطه كنت عملتها
اهلا وسهلا بالذنوب
قولوا لها انا بفتخر بحبها
ولا عمري يوم عنه هتوب
مهما يقولوا ويوصفوا
ويطلعوا فيا العيوب
لو هي تبقي منصفه
ومؤمنه بحكم القدر
وان البشر ملهاش
اراده ع القلوب
الحب حاجه بتتولد
من غير سبب
الحب عمره ما نكتب
مره في صحيفه الذنوب
انا قلبي ليكي بيعترف
مع سبق اصراره
على المعاصي والذنوب
حتى ان عقلي اختلف
قالوا جدودنا والسلف
لايمكن العاشق يتوب
انا قلبي عاش على فطرته
عشقك وعينه مغمضه
مشتاق لحضنك فيه يدوب
تبقي حياته ودنيته
وسكوته وقت الفضفضه
وشمسه في وقت الغروب
تبقى المعاصي كلها
والتوبه اللي بيها
تتمحي كل الذنوب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.