( الصبر )
إللي باقي بس مني
يادوب حبة حاجات
يعني شوية ذكريات
من ماضي عدا وفات
يعني متلوموش عليا
لو لقيتو قلبي مات
اللي شفته كان كتير
عشت فيه زي الأسير
حزن ياما وهم ياما
م الحاجات دي كتير كتير
الصبر ياما شبعت منه
والإبتسامة مشفتهاش
والتعب في العمر كله
والسعادة معشتهاش
والزمان بيشيل ويهبد
ف اللي عايش باحترام
شيليني يا دنيا من دماغك
واتركي لي حبة مرح
افتحيلي الباب شويه
نفسي ادوق طعم الفرح
مهو اللي باقي مني يادنيا
بس يادوب حبة حاجات
5/12/2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.