اه يادنيا على ناسك
فيكى الفييس والماسك
فيكى ناس شقيانه
وناس كتير تعبانه
وناس بتتعب طول اليوم
على قد اللقمه واه يانا
وناس حياتها اخر الليل
تصرف فلوس كتير ياما
على سهره على كاسها
وتنسى فقير تعبان
مابيشوفوش غير حالهم
وعندهم عمى الالوان
وناس حقها رايح
وناس عرضها فايح
تقول للجاى والرايح
ماتشوفنى انا الغابان
يادنيا ليه كده ظالمه
راضيين فيكى بالقسمه
وناس حزينه ومنكسرة
وناس سعيدة مبتسمه
وناس كأنها الطوفان
وناس عايشه كما النسمه
واه يادنيا من ظلمك
لا اخ عاد بيقدر ابوه
ولايود اخته ولا اخوه
وكانهم خلاص نسيوه
وهو فى دنيته بيتوه
بعيد خالص عن ربه
وتاه هو عن دربه
ومهما ركع ولاسجد
ضياع الحق من طبعه
وحاسس انه مش غلطان
وبيقاوح ماهوش ندمان
وامتى هيرضى فى يوم ربه
يادنيا ليه العوأ فيك
وربك هو مداريك
وساتر حالك فى الدنيا
ماترجع لربك هايديك
بلاش تبص لحال غيرك
وياما. عندك كتير خيرك
مقاس حياتك على قدك
واداك زى ماادى غيرك
راوية حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.