كل شئ جايز..18
كل شئ جايز ف الزمانده نخون ونغدر وننسى واجبنا
وننهي كل شئ بكلمه بعد عشرة سنين كانت ف يوم بتجمعنا
ويفضل الكره داخل قلوبنا مهما كبرنا والقطر عدى حتى لو سافرنا وبعدنا
ومافيش رحمه وبيعنا ضمايرنا والانتقام هو بس اللي بيريحنا
دا غير الطمع اللي مجالسنا وشاغل دايما تفكرنا وحاسين دايما بجوعنا وحرمانا
حتى لو المال داخل جيوبنا والفرحة بتسعدنا لكن نفضل ع كده لنهاية مشوارنا
وعايشين الدنيا بمزاجنا دا غير الرغبه والمتعه اللي مسيطره ع عقولنا
وحاسين إن مافيش ع الحجر غيرنا وكل يوم اتصال ورنه لناس لاول مره تصادفنا ف حياتنا
وبنستغل مناصبنا عشان نملى جيوبنا ع حساب مين مش موضوعنا
وبنخسر ناس كانت بتراعينا ف غيابنا ومحافظه دايما ع سمعتنا
لكن هي دي أخلاقنا والحقيقه اللي دايما بتواجهنا ونغلط ونقول قدرنا ونصبنا
والكل ف مولد و غفله وماحدش راضي يسامحنا والسبب اننا أهملنا ف حق الكل وأولهم إللي خلقنا
وهي دي طبيعتنا ولو شخص طالب بحقه يبقى بيجرحنا وعايز يفسد علينا انجازنا
لكن هانقول ايه للي خلقنا لما يجي ف يوم ويحاسبنا ع ظلمنا لبعض وإجرامنا
يارب اهدينا واسعد أيامنا واجعل الخير يعم ع ولادنا والناس اللي تحبنا وتعشقنا
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا...
الشاعر طاهر مختار عتيت
شاعر العصر....تحيا مصر
كفر الزيات....اكوه الحصه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.