(المرتشى باشا)
سنين العمر بتعدي
وبتودي لمصير محتوم
ومين فينا قادر يدري
لحقيقه تحوم
ومين يقدر يصون نفسه
وللطاعه عليها يدوم
ويابخته وياوعده لفمه يصوم
ومين يدري وما يجري ورا مشئوم
ومين للرشوه مايلبي
حرام معلوم
صاحبها تملي لنهايته طريق مصدوم
جمع مال فى صحيفته ماهو مكتوب
سعيد الباشا بشطارته
وما يدري بيعد ذنوب
وفى الأخر
ع يتحاسب ولو ع يتوب
ومين يقدر يتشفع فى مال مظلوم
ع يجي يوم وتسدد
ما ينفع لوم
عايش فى الدنيا على كيفك
ما تدري العيب
ومش دريان كفن أبيض
ومن غير جيب
يارجال عيب
كفاك شعرك ملاه الشيب
علمت الغيب لا والله
حياتك ريب
طالع واكل نازل واكل
حرام ماتهيب
مالك مايكفي يوم ألمك عند طبيب
وعليه لازم ع تتحاسب
ودين ع يطيب
وما زلت شايف نفسك مع الأبرار
وايه ذنبه بقا إبنك
يخش النار
وتحجز له فيها جنبك غرفه ودار
ودا ذنبه عشان نبته
دا نبت حرام
مال الغير مابينفع
وطعمه مرار
كفايا عيش على رزقك
بلاه الكار
وجايلك يوم ومصيره ياجنه يانار
وبين الناس شوف وصفك
دا وصفك عار
بقلمي نبيل عبد الحليم
10/11/2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.