ماتسألشى
**********
ماتحزنشى
على جرح صابك ولا طابشى
ماتحزنشى
على دمع سايل حرق رمشى
ماتزعلشى
لملامحى اللى دبلت على وشى
وصوت همسى جوه أنفاسى
بيصرخ م الجرح فوق راسى
والجرح اللى بشربه ف كاسى
بيمزع روحى وإحساسى
ويطبطب نبضى ويواسى
ويقول قلبك عمره ما كان آسى
يطلع نهار سارح ف ليل جارح
بيشد جبال وراه ضلمه من امبارح
بيحكيلى فى شوق طالع وانا سارح
فى خيل راكبه وكان جامح
ومش لاقى فى اخر الليل نهار صابح
راجع بهموم طول الليل وكيل طافح
ماتسألشى مين شارى ومين ماشى
نهار صابح وليل جارح مابينامشى
سهرانه نجومه مع رمشى
وقلب حزين مكتوب عليه مايحلمشى
وهموم الليل على كتفه ماتنزلشى
يروق امتى من دوامة مابتروحشى
ماتزعلشى
لو فى ملامح تايهه على وشى
أو دمعة عين مخنوقه ماتنزلشى
على عمر عدى ولا رجعشى
أو دقة قلب مكتومه ما دقتشى
على رمشى ماتزعلشى
م/محمد بدوى أبوالعلا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.